Қазақстан Президенті Қасым-Жомарт Тоқаев пен Кения Президенті Уильям Руто кездесу қорытындысы бойынша Бірлескен мәлімдеме қабылдады, деп хабарлайды Zhaiyqmedia.kz ақпарат агенттігі.
Құжатта екі ел арасындағы саяси, экономикалық және мәдени байланыстарды одан әрі дамытуға басымдық берілген. Тараптар сауда-экономикалық ынтымақтастықты кеңейтуге, инвестиция тартуға және бірлескен жобаларды жүзеге асыруға келісті.
«Біз екіжақты қарым-қатынасты жаңа деңгейге көтеруге ниеттіміз. Кения – Африкадағы маңызды серіктесіміз», – деді Қасым-Жомарт Тоқаев.
Кездесу барысында ауыл шаруашылығы, цифрландыру және білім саласындағы ынтымақтастық талқыланды. Президенттер бірлескен жұмыс тобын құру туралы шешім қабылдады.
