Мазмұнға өту
Қасым-Жомарт Тоқаев пен Режеп Тайип Ердоған Қазақстан-Түркия бизнес форумына қатысты, деп хабарлайды Zhaiyqmedia.kz ақпарат агенттігі.
Форумда екі ел арасындағы экономикалық ынтымақтастықтың қазіргі жағдайы мен болашағы талқыланды. Қазір Қазақстанда түрік капиталы қатысқан 3800-ге жуық кәсіпорын табысты жұмыс істеп жатыр. Бұл – инвестициялық ахуалдың жақсы екенін көрсетеді.
«Түркия – біздің маңызды стратегиялық әріптесіміз. Бірлескен жобалар екі елге де пайда әкеледі», – деді Қасым-Жомарт Тоқаев.
Президенттер жаңа жобаларды іске қосу және сауда айналымын арттыру мәселелеріне тоқталды. Бизнес форум қорытындысы бойынша бірқатар келісімге қол қойылды.
