Қасым-Жомарт Тоқаев пен Режеп Тайип Ердоған Қазақстан-Түркия бизнес форумына қатысты. Екі елдің іскер топтары бірлескен жобаларды талқылады, деп хабарлайды Zhaiyqmedia.kz ақпарат агенттігі.
Форумда Қазақстан мен Түркия арасындағы сауда-экономикалық ынтымақтастықтың жаңа бағыттары сөз болды. Президент Тоқаев бұл кездесудің екі ел үшін де тиімді әрі мазмұнды өткенін атап өтті.
«Біздің әріптестігіміз стратегиялық сипатқа ие. Бүгінгі форум – осы байланысты нығайтудағы маңызды қадам», – деді Мемлекет басшысы.
Түркия президенті Ердоған да екіжақты қатынастардың жоғары деңгейін атап, жаңа инвестициялық жобаларды жүзеге асыруға дайын екенін жеткізді. Форум қорытындысы бойынша бірқатар келісімге қол қойылды.
