Қасым-Жомарт Тоқаев пен Режеп Тайип Ердоған кездесуінде екі ел арасындағы бауырластық қарым-қатынас нығая түсетінін айтты, деп хабарлайды Zhaiyqmedia.kz ақпарат агенттігі.
Президент Тоқаев тарихи бауырластықты келешек ұрпаққа аманат етіп, сан-салалы қарым-қатынасты одан әрі дамыту керектігін атап өтті.
Тарихы терең бауырластығымызды келешек ұрпаққа аманат етіп, сан-салалы қарым-қатынасымызды нығайта береміз, — деді Тоқаев.
Ердоған болса, келіссөздер барысында экономиканың түрлі салаларындағы ынтымақтастық жан-жақты талқыланғанын жеткізді. Тараптар ортақ жобалар мен инвестициялық бағыттарды дамытуға уағдаласты.
