Мемлекет басшысы Қасым-Жомарт Тоқаев Түркия Президенті Режеп Тайип Ердоғанға мемлекеттік сапары кезінде «Қожа Ахмет Ясауи» орденін табыс етті, деп хабарлайды Zhaiyqmedia.kz ақпарат агенттігі.
Марапаттау рәсімі Ақордада өтті. Бұл орден – Қазақстанның ең жоғары наградаларының бірі. Ол мемлекетаралық қатынастарды дамытуға қосқан үлесі үшін беріледі.
«Екі ел арасындағы стратегиялық әріптестікті нығайтудағы еңбегіңіз зор. Осы орден – достығымыздың белгісі», – деді Тоқаев.
Ердоған Қазақстанға ресми сапармен келген болатын. Сапар барысында екіжақты ынтымақтастықтың келешегі талқыланды. Сонымен қатар, бірқатар құжатқа қол қойылды.
