Таиланд билігі шетелдік туристерге визасыз болу мерзімін екі есеге қысқартуды көздеп отыр. Енді Қазақстан азаматтары бұл елде 30 күн ғана бола алады, бұрын 60 күн болатын.
Жаңа ереже әлі ресми бекітілмеген, бірақ Таиланд үкіметі бұл шараны туристер санын реттеу және ішкі қауіпсіздікті күшейту мақсатында қарастырып жатыр, деп хабарлайды Zhaiyqmedia.kz ақпарат агенттігі.
Қазақстандық саяхатшылар үшін Таиланд — ең танымал бағыттардың бірі. Мерзімнің қысқаруы демалыс жоспарларына әсер етуі мүмкін. Туристерге алдын ала дайындалуға кеңес беріледі.
