Сурет: Egemen Qazaqstan
Тбилисиде Қазақстаннан халықаралық іздеуде жүрген ерлі-зайыпты ұсталды. Оларды синтетикалық есірткі өндірісін ұйымдастырды деп күдіктейді, деп хабарлайды Zhaiyqmedia.kz ақпарат агенттігі.
Ішкі істер министрлігі мен Грузия Ішкі істер министрлігінің бірлескен операциясы нәтижесінде күдіктілер қолға түсті. Олардың Қазақстанда есірткі зертханасын ұйымдастырғаны анықталды.
«Біздің қызметкерлер Грузия әріптестерімен бірге халықаралық іздеуде жүрген адамдарды ұстау бойынша кешенді шаралар жүргізді. Қазіргі уақытта экстрадиция мәселесі шешілуде», – деді ІІМ ресми өкілі.
Ерлі-зайыптылар Қазақстан аумағында синтетикалық есірткі өндірісін ұйымдастырып, оны өңірлерге таратқан. Күдіктілер ұзақ уақыт бойы тергеу органдарынан жасырынып жүрген.
Қазіргі уақытта оларды Қазақстанға экстрадициялау мәселесі қарастырылуда. Тергеу амалдары жалғасуда.
