Мазмұнға өту
Қазақстан мен Түркия энергетика саласында бірлескен жобаларды жүзеге асыруға ниетті. Мемлекет басшысы Түркия Президентімен келіссөз кезінде осы мәселеге ерекше тоқталды, деп хабарлайды Zhaiyqmedia.kz ақпарат агенттігі.
Тараптар мұнай-газ және жаңартылатын энергия көздерін бірлесіп дамыту мүмкіндігін талқылады. Бұл бағыттағы жобалар екі ел арасындағы экономикалық ынтымақтастықты нығайтуға септігін тигізеді.
«Біз энергетика кешеніндегі серіктестікті жаңа деңгейге көтеруге дайынбыз», — деді Қазақстан Президенті.
Кездесуде сондай-ақ көлік және логистика салаларындағы бірлескен жобалар да сөз болды. Екі ел арасындағы тауар айналымын арттыру мақсатында жаңа бағыттар ашу жоспарлануда.
