Сурет: Egemen Qazaqstan
Ресей Президенті Владимир Путин Қазақстанға мемлекеттік сапармен келді. Бұл сапар екі ел арасындағы стратегиялық серіктестік пен одақтастықты одан әрі нығайтуға бағытталған, деп хабарлайды Zhaiyqmedia.kz ақпарат агенттігі.
Сапар барысында Қазақстан мен Ресей көптеген саладағы ынтымақтастықты талқылады. Экономика, энергетика, логистика және мәдениет – негізгі бағыттардың бірі. Тараптар бірлескен жобаларды жүзеге асыруды жеделдетуге келісті.
«Екі ел арасындағы қарым-қатынас ешқашан мұндай жоғары деңгейге жетпеген еді. Біз бірге көп нәрсеге қол жеткізе аламыз», – деді Путин кездесуде.
Қазақстан Президенті Қасым-Жомарт Тоқаев Ресеймен ынтымақтастықтың маңыздылығын атап өтті. Ол екіжақты қатынастардың дамуы аймақтық тұрақтылыққа ықпал ететінін жеткізді.
Сапар қорытындысы бойынша бірнеше құжатқа қол қойылды. Олардың қатарында сауда-экономикалық ынтымақтастықты кеңейту және шекара маңындағы инфрақұрылымды дамыту туралы келісімдер бар.
