Түркістанда Түркі мемлекеттері ұйымының бейресми саммиті басталды. Басқосуда Президент түркі тілдеріне ортақ терминологиялық негіз қалыптастыру қажеттігін айтты, деп хабарлайды Zhaiyqmedia.kz ақпарат агенттігі.
Мемлекет басшысы түркі халықтарының ортақ тілдік мұрасын сақтау мен дамыту маңызды екенін атап өтті. Оның айтуынша, терминологиялық бірлік түркі елдерінің арасындағы ынтымақтастықты нығайтады.
«Бізге ортақ терминдер мен ұғымдар жүйесін жасау керек. Бұл түркі тілдерінің ғылым мен технологиядағы орнын күшейтеді», – деді Президент.
Саммитте түркі мемлекеттері арасындағы экономикалық және мәдени байланыстарды дамыту мәселелері де талқыланды. Жиынға қатысушылар ортақ жобаларды жүзеге асыру жолдарын қарастырды.
