Сурет: aqorda_resmi
Қасым-Жомарт Тоқаев Малайзия Премьер-министрі Ануар Ибрагимді және оның отандастарын ұлттық мереке – Тәуелсіздік күнімен құттықтады, деп хабарлайды Zhaiyqmedia.kz ақпарат агенттігі.
Мемлекет басшысы Қазақстанның Малайзиямен достық қарым-қатынасты одан әрі нығайтуға ерекше мән беретінін атап өтті. Сондай-ақ, ортақ күш-жігердің арқасында екіжақты ынтымақтастық болашақта да халықтар игілігі үшін тұрақты дамитынына сенім білдірді.
Президент Ануар Ибрагимге игі бастамаларында сәттілік, ал Малайзия халқына бақ-береке тіледі.
