Қазақстан Сыртқы істер министрлігі Мысыр Араб Республикасын сапар шегуге ұсынылмайтын елдер тізімінен шығарды, деп хабарлайды Zhaiyqmedia ақпарат агенттігі.
Министрлік бұл шешімді елдегі қазіргі ахуалды және әуежайлар мен туристік аймақтарды қоса алғанда, азаматтық инфрақұрылымның қалыпты жұмыс істеп тұрғанын ескере отырып қабылдаған.
Сонымен қатар, Таяу Шығыстағы шиеленісті жағдайдың сақталуына, сондай-ақ аймақтағы бірқатар мемлекеттің әуе кеңістігін мезгіл-мезгіл жауып тастауына байланысты Қазақстан Республикасы Сыртқы істер министрлігінің жағдай толық тұрақталғанға дейін Бахрейн, Израиль, Йемен, Иордания, Ирак, Иран, Катар, Сауд Арабиясы Корольдігі, Кувейт, Ливан, Біріккен Араб Әмірліктері, Оман және Сирия сияқты елдерге кез келген сапардан бас тарту туралы ұсыныстары әлі де күшінде, – делінген ведомство хабарламасында.
Фото: Әлеуметтік желіден
