Бүгін Қазақстан үшін тарихи күн: LRT желісі ресми түрде жолаушыларды қабылдай бастады. Бұл – елдегі ең ауқымды әрі көп талқыланған инфрақұрылымдық жобалардың бірі, деп хабарлайды Zhaiyqmedia.kz ақпарат агенттігі.
Алғашқы рейстер таңғы сағат 8:00-де басталды. Жолаушылар жаңа көлік түріне ерекше қызығушылық танытып, алғашқы күннің өзінде мыңдаған адам LRT-мен жүріп көрді.
«Біз бұл сәтті ұзақ күттік. LRT – қала тұрғындары үшін ыңғайлы әрі жылдам көлік болады деп сенеміз», – деді қала әкімінің орынбасары Нұрлан Серікқалиев.
Жоба жалпы ұзындығы 22 шақырымды құрайды. 18 станцияда тоқтайтын пойыздар әр 5-7 минут сайын жүреді. Билет бағасы – 100 теңге.
Алғашқы күні техникалық ақаулар тіркелген жоқ. Мамандардың айтуынша, бір ай бойы сынақ режимінде жұмыс істеп, кейін толық қуатына көшеді.
