Иран АҚШ-тың соңғы ұсынысын қарап, ресми жауап қайтарды. Бұл қадам аймақтағы шиеленісті төмендетуге және соғысты тоқтатуға бағытталған келіссөздердің жаңа кезеңін бастауы мүмкін, деп хабарлайды Zhaiyqmedia.kz ақпарат агенттігі.
Тегеран АҚШ тарапынан келген ұсынысты мұқият зерделеп, өз жауабын жолдады. Дипломатиялық дереккөздердің мәліметінше, Иран жауабында өз мүдделерін қорғауға баса назар аударған.
«Біз бейбіт диалогқа ашықпыз, бірақ ұлттық қауіпсіздігімізге қатысты ешқандай ымыраға келмейміз», – деді Иран Сыртқы істер министрлігінің өкілі.
АҚШ әкімшілігі әлі ресми мәлімдеме жасаған жоқ. Сарапшылар бұл жауап аймақтағы жағдайды тұрақтандыруға мүмкіндік беретін алғашқы қадам болуы мүмкін деп есептейді.
