Сурет: ALI HAIDER / TASS
Америкалық кәсіпкер Илон Маск 2027 жылы АҚШ-тағы әр балаға SpaceX компаниясының бір акциясын сыйлауға уәде етті, деп хабарлайды Zhaiyqmedia.kz ақпарат агенттігі.
Ол бұл туралы X әлеуметтік желісінде жазды.
13 қазанда Forbes басылымы SpaceX акциялары құнының төмендеуіне байланысты Масктің байлығы шамамен 26,3 млрд долларға азайғанын хабарлады. Соның салдарынан ол қайтадан триллионерлер қатарынан шықты.
Бұған дейін, 7 қазанда Financial Times (FT) басылымы SpaceX компаниясы Nvidia чиптерін сатып алуға және жасанды интеллект саласындағы жобаларға арналған есептеу инфрақұрылымын кеңейтуге шамамен 40 млрд доллар тартуды жоспарлап отырғанын жазған.
Оның ішінде SpaceX банктік несиелер арқылы шамамен 10 млрд доллар, ал инвестициялық деңгейдегі борыштық бағалы қағаздарды шығару арқылы тағы 30 млрд доллар тартуды көздейді.
Қаржыландыруды ұйымдастыру міндеті Apollo Global Management компаниясына жүктелмек. Ол бағалы қағаздарды кең ауқымды инвесторлар арасында орналастыруға көмектеседі. Келіссөздерге Pimco инвестициялық компаниясы да қатысып жатыр.
Мәмілені 2027 жылы аяқтау жоспарланған.
Айта кетейік, Tesla компаниясы жаңа Roadster спорткарын Техастағы SpaceX сынақ алаңында таныстырды. Жаңа электромобиль ауада аударылып, басқа көліктердің үстінен секіре алады.
