Сурет: ашық дереккөз
Германияның батысындағы Солтүстік Рейн-Вестфалия федералды жеріндегі Брюль қаласында ойын-сауық саябағының бассейнінде 15 адам хлордан уланды, деп хабарлайды Zhaiyqmedia.kz ақпарат агенттігі.
Bild басылымының мәліметінше, оқиға туралы хабар жұма күні саябақ аумағындағы қонақүйден түскен. Техникалық ақау салдарынан бассейндердің біріне хлор шамадан тыс мөлшерде қосылған. Содан кейін бірнеше келуші өздерін жайсыз сезінген.
Өрт сөндіру қызметінің өкілі шамамен 15 адамның хлордан уланғанын хабарлады. Хлор мөлшері шамадан тыс анықталған бассейн суды ауыстыру үшін уақытша жабылды.
Зардап шеккен 15 адамның біреуі орташа дәрежедегі, тағы үшеуі жеңіл жарақаттармен ауруханаға жеткізілді.
