Мазмұнға өту
Сурет: Egemen Qazaqstan
АҚШ-тың Федералдық тергеу бюросы (ФБР) Аргентина футбол қауымдастығының (AFA) қаржылық операцияларына қатысты тергеуді қайта жандандырды, деп хабарлайды Zhaiyqmedia.kz ақпарат агенттігі.
La Nacion басылымының мәліметінше, 2026 жылғы әлем чемпионаты кезінде ФБР агенттері АҚШ-та AFA-ның қаржылық операциялары бойынша куәгерлерден жауап алған. Журналистердің жазуынша, AFA қаржы жүйесі арқылы жүздеген миллион доллар өткен. Тергеушілердің болжамынша, бұл қаражаттың бір бөлігі ықтимал қылмыстық әрекеттермен байланысты болуы мүмкін.
Материалда TourProdEnter LLC компаниясы AFA-дан кемінде 260 млн АҚШ доллары кіріс алғаны айтылады. Алайда La Nacion зерттеген банк құжаттары бойынша, бұл ақшаның тек бір бөлігі ғана ұйымның нақты операциялық шығындарымен байланысты.
Тергеу алғаш рет 2024 жылы басталған. Сол кезде ФБР компания басшылығы мен AFA жетекшілері арасындағы байланыстар қылмыстық іс қозғауға жеткілікті негіз емес деп шешкен. Кейін журналистер Флорида штатында қаржылық, банктік және корпоративтік операциялардың тұтас желісін анықтаған, сондықтан тергеу қайта жанданған.
ФБР-дің бұл тергеуі 2026 жылғы әлем чемпионатындағы ойындармен немесе Аргентина құрамасының ширек финалға шығуымен байланысты емес, тек уақыт жағынан сәйкес келген.
