Еуропаға баратын қазақстандықтарды жаңа автоматтандырылған жүйе күтіп тұр. Енді әрбір саяхатшы арнайы EES (Entry/Exit System) рәсімінен өтуі керек, деп хабарлайды Zhaiyqmedia.kz ақпарат агенттігі.
Бұл жүйе Еуропаға кіру мен шығуды тіркейді. Сыртқы істер министрлігінің мәліметінше, жаңашылдық шекаралық бақылауды күшейтуге бағытталған.
«EES жүйесі саяхатшылардың деректерін автоматты түрде өңдейді. Бұл уақытты үнемдеп, қауіпсіздікті арттырады», – деді ведомство өкілі.
Жаңа ережелер 2024 жылдың соңына қарай күшіне енеді деп күтілуде. Қазақстандықтарға шетелге шықпас бұрын ЕО елшіліктерінен толық ақпарат алу ұсынылады.
