Түркия Президенті Режеп Тайип Ердоған Қазақстанға мемлекеттік сапармен келді, деп хабарлайды Zhaiyqmedia.kz ақпарат агенттігі.
Қазақстан мен Түркия арасындағы стратегиялық ынтымақтастықты нығайту мақсатындағы сапар барысында екі елдің жоғары деңгейдегі кездесулері өтеді. Тараптар сауда-экономикалық, инвестициялық және мәдени-гуманитарлық байланыстарды талқылайды.
«Біз Қазақстанмен достық пен бауырластық қарым-қатынасты одан әрі дамытуға ниеттіміз. Бұл сапар – екіжақты ынтымақтастықтың жаңа кезеңінің бастамасы», – деді Ердоған.
Сапар аясында бірқатар маңызды құжаттарға қол қойылуы күтілуде. Ердоғанның Қазақстанға бұл сапары – екі ел арасындағы дипломатиялық қатынастардың жоғары деңгейін көрсетеді.
