Сурет: Jas Qazaq
26 мамырда Еуразиялық экономикалық комиссия алаңында кәсіпкерлер мен мемлекеттік органдар Ресейге тауар жеткізуді алдын ала растау жүйесін (ТЖАР) талқылады, деп хабарлайды Zhaiyqmedia.kz ақпарат агенттігі.
Жиынға ЕАЭО елдерінің өкілдері қатысты. Тараптар ТЖАР жүйесін қолдану тәртібін пысықтады. Бұл жүйе Ресейге тауар экспорттаушылар үшін міндетті болмақ.
«Жүйе тауардың шығу тегін растап, кедендік рәсімдерді жеңілдетеді. Бірақ бизнес үшін қосымша құжаттар қажет болуы мүмкін», — деді комиссия өкілі.
Қатысушылар жүйені енгізу мерзімдері мен техникалық талаптарын да талқылады. Келесі кездесуде нақты ұсыныстар әзірленбек.
