Батыс Қазақстан облысында ауылдық округ әкімдерінің алғашқы форумы өтті. Жиынға 151 округ пен 400-ден астам елдімекеннің басшылары қатысты, деп хабарлайды Zhaiyqmedia.kz ақпарат агенттігі.
Форумда ауылдардың инфрақұрылымдық проблемалары, жолдардың нашар жағдайы және сумен қамту мәселелері көтерілді. Әкімдер өз тәжірибелерімен бөлісіп, тиімді шешімдерді талқылады.
«Бұл форум – ауыл әкімдерінің жұмысын үйлестіруге және өзекті мәселелерді ортаға салуға тамаша мүмкіндік. Біз бірлесе отырып, көптеген кедергіні жеңе аламыз», – деді жиынға қатысушылардың бірі.
Облыс әкімдігі ауылдарды дамытуға арналған жаңа бағдарламаларды ұсынды. Атап айтқанда, жол жөндеу мен ауыз су тарту жұмыстары алдағы жылдары қарқынды жүргізілмек.
