Сурет: depositphotos.com
Қырғызстан Президентінің баспасөз хатшысы Асқат Алагөзов Бішкек тұрғындарына 30-31 тамыз және 1 қыркүйек күндерін Ыстықкөлде немесе басқа демалыс орындарында өткізуді сұрады, деп хабарлайды Zhaiyqmedia.kz ақпарат агенттігі.
Алагөзов бұл күндері Бішкекте Шанхай ынтымақтастық ұйымының саммиті мен Дүниежүзілік көшпенділер ойындарының ашылу салтанаты өтетінін еске салды. Садыр Жапаровтың баспасөз хатшысының айтуынша, Қырғызстанға алғаш рет бір мезгілде 21 мемлекеттің басшысы келеді. Олардың кейбірі бірінші ханымдарымен бірге келмек, себебі осы күндері бірнеше ел президентінің Қырғыз Республикасына ресми мемлекеттік сапары жоспарланған.
«Әйтпесе, ең алдымен қолайсыздықтардың зардабын өздеріңіз көресіздер, өйткені осы үш күн ішінде қаладағы жолдар жиі жабылып тұрады», делінген үндеуде.
