Қазақстанның бірқатар аймағында қолайсыз ауа райы күтіледі. Төтенше жағдайлар министрлігі тұрғындарды сақтық шараларын күшейтуге шақырып, ресми хабарламаларды қадағалауды ескертті, деп хабарлайды Zhaiyqmedia.kz ақпарат агенттігі.
Синоптиктердің болжамынша, алдағы күндері бірнеше өңірде боран, қатты жел және көктайғақ күтіледі. Әсіресе солтүстік және орталық аймақтарда жағдай күрделі болмақ.
ТЖМ мамандары азаматтарға алыс жол жүруден бас тартуға, үйден шыққанда жылы киінуге және жолдарда мұқият болуға кеңес береді.
«Қолайсыз ауа райы кезінде мүмкіндігінше үйде болыңыз, көлік құралдарын абайлап жүргізіңіз және ресми ақпарат көздерін ғана басшылыққа алыңыз», — делінген ТЖМ хабарламасында.
Қазіргі уақытта өңірлерде жедел штабтар жұмыс істеп, жолдарды тазалау техникасы дайын тұр.
