Премьер-министр Олжас Бектенов Дүниежүзілік банк сарапшыларымен кездесіп, Қазақстан экономикасына инвестиция тартудың жаңа жолдарын қарастырды. Тараптар мемлекет басшысының тапсырмасы аясында жаңа инвестициялық циклді іске қосу шараларын пысықтады, деп хабарлайды Zhaiyqmedia.kz ақпарат агенттігі.
Кездесуде Қазақстанның экономикалық өсуін жеделдету үшін қажетті нақты жобалар мен қаржыландыру тетіктері талқыланды. Дүниежүзілік банк өкілдері еліміздің реформаларына жоғары баға беріп, ынтымақтастықты кеңейтуге дайын екенін жеткізді.
Біз Қазақстанның инвестициялық әлеуетін арттыру үшін бірлесіп жұмыс істейміз. Банк сарапшыларымен тиімді диалог орнаттық, – деді Олжас Бектенов.
Премьер-министр шетелдік капиталды тартудағы кедергілерді жою және бизнес жүргізу жағдайын жақсарту бойынша нақты ұсыныстарды тыңдады. Алдағы уақытта бұл бастамаларды жүзеге асыру үшін жұмыс тобы құрылады.
