Астанадағы жеке тұрғын үй секторында өрт шықты. Тілсіз жау үйді шарпып, тұрғындар қауіпсіз жерге көшірілді, деп хабарлайды Zhaiyqmedia.kz ақпарат агенттігі.
Өрт сейсенбі күні кешке Астана қаласы, Сарыарқа ауданы, Қайыңды көшесіндегі жер үйде шыққан. Құтқарушылар шақырту бойынша жедел жетіп, өртті сөндіруге кіріскен.
«Өрт 80 шаршы метр аумақты шарпыды. Зардап шеккендер жоқ, тұрғындар уақытылы эвакуацияланды», — деді ТЖМ баспасөз қызметінің өкілі.
Өрттің алдын ала себебі — электр сымдарының тұйықталуы деп болжануда. Нақты себепті анықтау үшін сараптама тағайындалды.
ТЖМ мамандары тұрғындарға ескерту жасады: үйдегі электр жабдықтарын қараусыз қалдырмау, сымдардың тозуын уақытылы тексерту керек.
