Кеше ғана іске қосылған Астанадағы LRT желісі бүгін тоқтап қалды. Әлеуметтік желіде жолаушылар вагон есігін ашып жіберген видео тарады, деп хабарлайды Zhaiyqmedia.kz ақпарат агенттігі.
Бейнежазбада пойыздың аялдамада тоқтап тұрғаны көрінеді. Жолаушылардың бірі есікті ашып, сыртқа шығып кеткен. Осыдан кейін LRT қозғалысы тоқтаған.
«Жолаушылардың әрекетінен жүйе апаттық режимге өтіп, пойыз тоқтап қалды. Қазіргі уақытта тергеу жүріп жатыр. Кінәлілер қылмыстық жауапкершілікке тартылуы мүмкін», — деді қалалық әкімдіктің баспасөз қызметі.
LRT операторы жолаушыларды ескерту шараларын күшейтетінін мәлімдеді. Алдағы уақытта вагондарға бейнебақылау камераларын қосымша орнату жоспарланып отыр.
