Астанадағы LRT жеңіл рельсті көлік жүйесі 17 мамырда іске қосылады. Нақты күнді қалалық әкімдік ресми түрде растады, деп хабарлайды Zhaiyqmedia.kz ақпарат агенттігі.
Әкімдік өкілдерінің айтуынша, LRT бірінші кезеңінің құрылысы толығымен аяқталып, сынақ жүргізіліп жатыр. Жолаушыларға қызмет көрсету 17 мамырдан басталады.
«Біз LRT-ның уақытылы іске қосылуын қамтамасыз ету үшін барлық қажетті шараларды қабылдадық. Бұл жоба елорданың көлік инфрақұрылымын жаңа деңгейге көтереді», — деді қалалық әкімдіктің баспасөз қызметі.
LRT жобасы аясында 18 станция салынып, желінің ұзындығы 22,4 шақырымды құрайды. Пойыздар әр 5-7 минут сайын жүретін болады.
