«Қазгидромет» мамандары 16 мамырда еліміздің ірі қалаларында ауа райының қандай болатынын айтты. Астана мен Алматыда күн ашық, жауын-шашын күтілмейді, деп хабарлайды Zhaiyqmedia.kz ақпарат агенттігі.
Астанада түнгі уақытта +6…+8 градус, ал күндіз +20…+22 градус жылы болады. Жел секундына 9-14 метр, бағыты оңтүстік-батыстан соғады.
Алматыда түнде +11…+13 градус, күндіз +22…+24 градусқа дейін көтеріледі. Жел бағыты солтүстік-шығыстан, жылдамдығы секундына 5-10 метр.
Шымкентте де күн жылы: түнде +12…+14 градус, күндіз +26…+28 градус. Жаңбыр жаумайды, жел әлсіз.
