Сурет: АrkaNews agancy
Арменияның Конституциялық соты Орталық сайлау комиссиясы мақұлдаған парламент сайлауының қорытындысын күшінде қалдырды, деп хабарлайды Zhaiyqmedia.kz ақпарат агенттігі.
Сот 7 маусымда өткен сайлаудың 14 маусымда жарияланған нәтижелерін бекітті. Бұл шешім 4 шілдеде жарияланды.
Баспасөз мәлімдемесінде сот ОСК-ның Ұлттық жиналысқа сайлау нәтижелері туралы шешімін өзгеріссіз қалдыру туралы қаулы шығарғаны айтылған.
Бұл шешім түпкілікті және жарияланған сәттен бастап күшіне енеді, – делінген хабарламада.
Сайлау нәтижелерін жарамсыз деп тануды 19 маусымда жеті саяси партия талап еткен. Олардың қатарында «Күшті Армения» блогы, «Армения» блогы және «Гүлденген Армения» партиясы бар.
Конституциялық сот барлық өтінішті біріктіріп, қарауды 26 маусымда бастаған. Заң бойынша сот 15 күн ішінде шешім қабылдауы тиіс.
Сайлаудың түпкілікті қорытындысы бойынша парламентке үш саяси күш өтті: премьер-министр Никол Пашинянның «Азаматтық келісім» партиясы, «Күшті Армения» және «Армения» блоктары.
ОСК мәліметінше, «Азаматтық келісім» 49,75% дауыс алып, 64 мандатқа ие болды. «Күшті Армения» 23,27% дауыспен 29 мандат, ал «Армения» блогы 9,92% дауыспен 12 мандат алды.
«Гүлденген Армения» парламентке өту үшін қажет 4% межеден 0,0107% дауысқа жетпей қалды.
