Алдағы демалыс күндері Қазақстанның көп бөлігінде ауа температурасы 40 градусқа дейін жетеді. Синоптиктердің болжамынша, ыстық оңтүстік пен батыс өңірлерді шарпыса, солтүстік, шығыс және орталық аймақтарда жаңбыр мен үсік болуы мүмкін, деп хабарлайды Zhaiyqmedia.kz ақпарат агенттігі.
«Қазгидромет» мамандарының мәліметінше, ыстық ауа райы Қазақстанның батысы мен оңтүстігінде төтеп беру қиын болады. Ал солтүстік өңірлерде күн күрт салқындап, тіпті үсік жүруі ықтимал.
«Демалыс күндері республиканың басым бөлігінде ауа температурасы күндіз 35-40 градусқа дейін көтеріледі. Тек солтүстікте, шығыста және орталықта жаңбыр жауып, найзағай ойнап, бұршақ түсуі мүмкін», — делінген хабарламада.
Жайық өңірі де ыстықтан қалмайды. Орал қаласында демалыс күндері ауа температурасы +37 градусқа дейін жетеді деп күтілуде. Тұрғындарға көлеңкеде көбірек жүруге және су ішуді ұмытпауға кеңес беріледі.
