Алматы әуежайының шатыры қатты нөсерден өтіп кеткен. Су ішке кіріп, жолаушылар зардап шекті. Бұл туралы Көлік министрі Нұрлан Сауранбаев Үкімет брифингінде айтты, деп хабарлайды Zhaiyqmedia.kz ақпарат агенттігі.
Министрдің айтуынша, ғимараттың шатыры нөсер жауынға есептелмеген. Салдарынан су жиналып, ішке ағып кеткен.
«Біз бұл мәселені жедел шешуге кірістік. Қазір әуежай әкімшілігі шатырды жөндеу жұмыстарын жүргізіп жатыр», — деді Сауранбаев.
Қазір әуежай қалыпты режимде жұмыс істеп тұр. Жолаушыларға қауіп жоқ. Бірақ алдағы уақытта шатырды күшейту жоспарланған.
