21 мамырда Қазақстанның көптеген өңірлерінде ауа райы құбылмалы болады. Астанада кей уақыттарда жаңбыр жауып, найзағай ойнап, бұршақ түсіп, екпінді жел соғады, деп хабарлайды Zhaiyqmedia.kz ақпарат агенттігі.
Синоптиктердің болжамынша, еліміздің солтүстік және орталық аймақтарында күн күрт суытады. Орал өңірінде де жел күшейіп, уақытша жаңбыр жаууы мүмкін.
Температура күндіз +15…+20 градус шамасында болады, бірақ кешке қарай салқындайды. Желдің екпіні секундына 15-20 метрге жетеді.
Мамандар азаматтарды сақ болуға шақырады: найзағай кезінде ашық жерде жүрмеу, ағаш астына тығылмау керек. Бұршақ түскенде көлікті баспанаға қойған жөн.
