Оңтүстік Кореяда дымқыл майлықтар шығаратын зауыт өртеніп, екі шетелдік жоғалды. Олардың бірі – Қазақстан азаматы. Бір адамның денесі табылды.
Әлеуметтік желіде "Жаңа Конституцияда шетелдіктерге жер сатуға рұқсат етілді" деген ақпарат тарады. Үкімет бұл мәліметті жоққа шығарды.
Талдықорғанда сұйытылған газ тиелген бес вагон рельстен шығып кетті. Оқиға салдарынан Талдықорған – Қарабұлак телімінде пойыз қозғалысы тоқтатылды.
World Population Review порталы әлемдегі ең дәмді асханалардың жаңа рейтингін жариялады. Тізімде Қазақстан 99 елдің ішінде 92-орынға жайғасты.
«Қазгидромет» 1 ақпанға арналған ауа райы болжамын ұсынды. Еліміздің батысында +7 градусқа дейін жылы болса, солтүстік пен шығыста аяз күтіледі.
Ақмола облысында кәсіпорын қызметкері қаңғыбас иттерді атпақ болып, байқаусызда әріптесін жаралап алды. Полиция тергеу бастады.
Энергетика министрі Ерлан Әккенженов Қазақстанның «ЛУКОЙЛ» компаниясының бірлескен жобалардағы үлесін сатып алу үшін АҚШ-қа хат жолдағанын мәлімдеді.
