Қазгидромет мамандары 20 мамырға арналған ауа райы болжамын жариялады. Синоптиктердің айтуынша, еліміздің көп бөлігінде жауын-шашын мен найзағай ойнап, кей жерлерде тіпті бұршақ жаууы мүмкін, деп хабарлайды Zhaiyqmedia.kz ақпарат агенттігі.
Солтүстік өңірлер мен оңтүстікте жел күшейеді. Дауылдың жылдамдығы секундына 15-20 метрге жетеді деп күтілуде.
«Еліміздің солтүстігінде және оңтүстігінде қатты жел соғады. Кей жерлерде бұршақ жаууы ықтимал», — делінген Қазгидромет хабарламасында.
Ал Батыс Қазақстан облысында ауа райы салыстырмалы түрде тұрақты болады. Мұнда жауын-шашын аз, жел де онша күшті емес.
Температураға келер болсақ, еліміздің оңтүстігінде түнде 10-15 градус жылы, күндіз 25-30 градусқа дейін көтеріледі. Солтүстікте түнде 5-10 градус, күндіз 15-20 градус жылы болады.
