Синоптиктер 20 мамырда еліміздің бірқатар өңірінде қолайсыз ауа райы болатынын ескертті. Жел күшейіп, жаңбыр жауып, найзағай ойнайды, деп хабарлайды Zhaiyqmedia.kz ақпарат агенттігі.
Қатты желдің жылдамдығы секундына 15-20 метрге жетеді. Кей жерлерде тіпті 25 метрге дейін күшеюі мүмкін. Жаңбыр қатты жауып, найзағай жиі ойнайды.
«Қолайсыз ауа райына байланысты халық сақ болуы керек. Дала жұмыстарын шектеу, көлік жүргізу кезінде абай болу қажет», — деді синоптиктер.
Ескерту әсіресе солтүстік, орталық және шығыс өңірлерге қатысты. Орал өңірінде де жел күшейіп, жаңбыр жаууы ықтимал.
