19 мамырда Батыс Қазақстанда ауа райы құбылмалы: жаңбыр, найзағай және шаңды дауыл күтіледі

19 мамырда Батыс Қазақстан облысының оңтүстігінде аздап жаңбыр жауып, найзағай ойнайды. Күндіз облыстың батысы, солтүстігі және шығысында шаңды дауыл тұрады, деп хабарлайды Zhaiyqmedia.kz ақпарат агенттігі.

Синоптиктердің болжамынша, ауа температурасы түнде 5-10 градус жылы, ал күндіз 20-25 градусқа дейін көтеріледі. Жел бағыты оңтүстік-батыстан соғады, күші секундына 9-14 метр болады.

Тұрғындарға дауыл кезінде абай болу ұсынылады. Шаңды дауыл көру қашықтығын шектейді, сондықтан жолдарда жүргенде абай болу керек.