Шымкент қаласында алаяқтыққа күдікті әйел ұсталды. Тергеу деректеріне сүйенсек, күдіктінің әрекетінен зардап шеккендерге келген жалпы шығын 80 миллион теңгеден асады, деп хабарлайды Zhaiyqmedia ақпарат агенттігі.
Полицияның мәліметінше, әйел танысының сеніміне кіріп, оның алтын зергерлік бұйымдарын алып кеткен. Алайда кейін өз уәделерін орындамай, зергерлік бұйымдарды қайтарудан бас тартқан.
Екінші жағдайда күдікті шетелге турпакет ұйымдастырамын деп, бірнеше адамнан алдын ала төлем алып отырған. Бірақ уәде етілген сапарлар ұйымдастырылмаған.
«Күдіктіге халықаралық іздеу жарияланды. Жүргізілген жедел шаралар нәтижесінде ол қолға түсіп, уақытша ұстау изоляторына қамалды», – деді полиция өкілдері.
Құқық қорғау органдары оқиғаға қатысты басқа да жайттарды анықтап жатыр.
Фото: Әлеуметтік желіден
