Сурет: Ақорда
Мемлекет басшысы Қасым-Жомарт Тоқаев бірқатар заңға қол қойды, деп хабарлайды Zhaiyqmedia.kz ақпарат агенттігі.
Президент «Қазақстан Республикасының жаңа Конституциясының қабылдануына байланысты рақымшылық жасау туралы» заңға қол қойды. Сондай-ақ атқарушылық іс жүргізу және сот орындаушыларының мәртебесі, құқық бұзушылық профилактикасы мәселелері бойынша өзгерістер енгізілді. Қылмыстық кодекс, Қылмыстық-процестік кодекс және Әкімшілік құқық бұзушылық туралы кодекске де түзетулер қабылданды.
Заңдардың толық мәтіні ресми басылымдарда жарияланады. Бүгіннен бастап елімізде Жаңа Конституция күшіне енді, осыған байланысты Мемлекет басшысы Қазақстан халқына үндеу жасады.
