Оралда Қазақы тазы иттерінің моно тұқымды көрмесі өтіп, ұлттық тұқымның сұлулығы мен ерекшелігі көрсетілді, деп хабарлайды Zhaiyqmedia.kz ақпарат агенттігі.
Бұл шара Қазақы тазыны Қазақстанның тарихи-мәдени мұрасы ретінде дәріптеуге арналған маңызды оқиға болды. Көрмеге еліміздің түкпір-түкпірінен селекционерлер мен ит өсірушілер қатысты.
«Қазақы тазы – біздің ұлттық мақтанышымыз. Бұл тұқымды сақтау және дамыту – әр қазақтың парызы», – деді көрме ұйымдастырушысы Айбек Серікқалиев.
Көрме барысында иттердің экстерьері, жүріс-тұрысы мен жұмыс қасиеттері бағаланды. Жеңімпаздар арнайы дипломдармен және сыйлықтармен марапатталды.
Мұндай шаралар Қазақы тазы тұқымын танымал етуге және оның генетикалық қорын сақтауға ықпал етеді. Алдағы уақытта ұқсас көрмелерді тұрақты өткізу жоспарлануда.
