Кения Республикасының Президенті Уильям Самоэй Руто мемлекеттік сапармен Астанаға келді, деп хабарлайды Zhaiyqmedia.kz ақпарат агенттігі.
Сапар барысында екі ел арасындағы сауда-экономикалық және инвестициялық ынтымақтастықты кеңейту мәселелері талқыланбақ. Кения президенті Қазақстан Президентімен кездесіп, бірқатар келісімге қол қою жоспарлануда.
Біздің елдеріміз арасындағы байланысты жаңа деңгейге көтеруге зор мүмкіндік бар, — деді Уильям Руто.
Бұл – Кения басшысының Қазақстанға алғашқы ресми сапары. Тараптар ауыл шаруашылығы, цифрландыру және білім салаларындағы ынтымақтастықты дамытуды көздеп отыр.
