«Отбасы банк» 2026 жылдың қазан айынан бастап исламдық ипотека өнімін ұсынуды жоспарлап отыр. Бұл туралы банк басшысы Ләззат Ибрагимова Kazinform агенттігіне мәлімдеді, деп хабарлайды Zhaiyqmedia.kz ақпарат агенттігі.
Жаңа бағдарлама бойынша үй алуға ниет білдірушілер пайызсыз несие ала алады. Бастапқы жарна мөлшері 20 пайызды құрайды, ал қалған соманы банк ұзақ мерзімге бөліп төлеуге береді.
«Исламдық қаржыландыру принциптері бойынша біз пайыз алмаймыз. Бұл халыққа тиімді әрі әділ тәсіл», — деді Ләззат Ибрагимова.
Айта кетейік, «Отбасы банк» бұған дейін де тұрғын үй нарығында әртүрлі бағдарламаларды жүзеге асырып келеді. Жаңа өнім әсіресе жастар мен аз қамтылған отбасыларға баспаналы болуға көмектеседі деп күтілуде.
Нақты шарттар мен өтініш қабылдау мерзімі туралы банк қосымша ақпарат жариялайды.
