Ирандағы жаппай наразылықтар кезінде қаза тапқандар саны бұрын хабарланғаннан әлдеқайда көп болып, 20 мыңға жетуі мүмкін. Америкалық CBS News телеарнасы осындай шошытарлық дерек таратты, деп хабарлайды Zhaiyqmedia ақпарат агенттігі.
Телеарнаның өз дереккөздеріне сүйеніп таратқан мәліметінше, екі аптадан астам уақытқа созылған үкіметке қарсы шерулерді басу кезінде кемінде 12 мың адам мерт болған. Алайда, құрбандардың нақты саны 20 мың адамға дейін жетуі ықтимал.
Бұл ақпарат Иран билігі мен қауіпсіздік күштерінің қаншалықты қатыгез әрекетке барғанын көрсетеді. CBS News атап өткендей, шетелдегі белсенділер таратқан алғашқы мәліметтермен салыстырғанда, биліктің жүргізген репрессиясы әлдеқайда ауқымды және қанды болған.
Фото: Әлеуметтік желіден
