Сурет: ІІМ
Астанадағы Триатлон саябағында Қазақстан полициясы күніне орай POLICE RUN жүгіру жарысы өтті. Шара «Заң мен Тәртіп» қағидатын іске асыру аясында ұйымдастырылды, деп хабарлайды Zhaiyqmedia.kz ақпарат агенттігі.
Іс-шараны Ішкі істер министрлігінің ARLAN спорт клубы Астана қаласының әкімдігімен бірлесіп өткізді. Жарысқа екі мыңнан астам адам қатысты.
Ішкі істер органдарының қызметкерлерімен бірге елорда тұрғындары, жүгіру әуесқойлары және салауатты өмір салтын ұстанушылар да жарысқа қосылды.
Бұл шара Қазақстан полициясы күніне арналған мерекелік бағдарламаның бір бөлігі болып, бұқаралық спортты дамытуға, қоғамдық бірлікті нығайтуға және салауатты өмір салтын насихаттауға үлес қосты.
Қазақстан ІІМ Ұлттық ұланының Ән және би ансамблі қатысушылар мен қонақтарға концерттік бағдарлама ұсынды.
