Сурет: istockphoto.com
Axios басылымы АҚШ пен Иран арасындағы өзара түсіністік туралы меморандумның мәтінін жариялады, деп хабарлайды Zhaiyqmedia.kz ақпарат агенттігі.
Құжат бойынша, тараптар алдағы 60 күнде түпкілікті келісімге келуі керек. Осы кезеңде Тегеран Ормуз бұғазын ашуға, ал Вашингтон теңіз блокадасын тоқтатуға міндетті. Сондай-ақ екі ел бір-бірінің егемендігін құрметтеп, ішкі істеріне араласпауға уәделескен.
Меморандум Иранның ядролық қарудан бас тартуын және санкцияларды толық жою мәселесін де қамтиды. Сонымен қатар Иранды қалпына келтіру мен экономикасын жандандыру жоспарын әзірлеу қарастырылған. Түпкілікті келісімді БҰҰ Қауіпсіздік Кеңесі бекітеді деп жоспарлануда.
