Қазақстан Президенті Қасым-Жомарт Тоқаев Қырғыз Республикасына ресми сапарын «Ата бейіт» ұлттық тарихи-мемориалдық кешеніне барудан бастады.
Бұл жерде қырғыз халқының әр дәуірде Отанына адал қызмет еткен даңқты тұлғалары мен сталиндік репрессия құрбандары жерленген. Кешенге «Ата бейіт» атауын жазушы Шыңғыс Айтматов ұсынған.
Мемлекет басшысы мемориал аумағындағы 1916 жылғы ұлт-азаттық көтеріліс (үркіншілік) құрбандарына арналған ескерткішке гүл шоғын қойды.
