Қазақстанның Сыртқы істер министрлігі АҚШ пен Израиль шабуыл жасаған Иран аумағында 96 отандасымыздың бар екенін мәлімдеді, деп хабарлайды Zhaiyqmedia ақпарат агенттігі.
Ведомствоның хабарлауынша, қазіргі таңда Иранда Қазақстанның 96 азаматы бар. Олардың 18-і – дипломатиялық өкілдік қызметкерлері, екеуі – студент, 70 адам «Заркух» зауытында жұмыс істейді. Ал алты азамат жеке шаруасымен жүр.
«Министрлік пен Қазақстанның шет елдердегі мекемелері отандастарымызбен үнемі байланыста. Қазіргі сәтте Қазақстан азаматтары арасында зардап шеккендер туралы ақпарат түскен жоқ», – делінген ресми хабарламада.
Фото: Әлеуметтік желіден
