Сурет: Egemen Qazaqstan
Қазақстан аумағында «Найза-Антитеррор-2026» терроризмге қарсы оқу-жаттығуы басталды, деп хабарлайды Zhaiyqmedia.kz ақпарат агенттігі.
Ұлттық қауіпсіздік комитетінің Терроризмге қарсы орталығы ұйымдастырған шара 5 маусымда басталып, 30 маусымға дейін жалғасады.
Азаматтарды жүргізіліп жатқан оқу-жаттығуға түсіністікпен қарауға шақырамыз. Жекеленген аудандарда автокөлік қозғалысын уақытша шектеу көзделген. Қауіпсіздік шараларын сақтауды және мемлекеттік орган қызметкерлерінің заңды талаптарын орындауды сұраймыз. Тек ресми ақпаратты басшылыққа алып, жалған мәліметтердің таралуына жол бермеулеріңізді сұраймыз,
делінген хабарламада.
