Сурет: istockphoto.com
Батыс Қазақстан облысының прокуратурасы жеке сот орындаушыларының қызметін тексеру кезінде заңнама талаптарының бұзылғанын анықтады, деп хабарлайды Zhaiyqmedia.kz ақпарат агенттігі.
Атқарушылық іс жүргізу шеңберінде жеке сот орындаушысы түскен ақшалай қаражатты дұрыс басқармаған. Ол өндіріп алушыларға тиесілі 532 мың теңгені аудармай, 9,8 млн теңгені негізсіз үшінші тұлғаның шотына аударған.
Осы фактілер бойынша Қылмыстық кодекстің 251-бабымен («Жеке сот орындаушысының өкілеттіктерін теріс пайдалану») сотқа дейінгі тергеп-тексеру басталды. Тергеу барысы прокуратураның бақылауында, нәтижесінде заңда көзделген шаралар қабылданады.
