Сурет: Egemen Qazaqstan
«Астана» велоклубының италиялық шабандозы Альберто Беттиол «Джиро д’Италия-2026» көпкүндік жарысының 13-ші кезеңінде жеңіске жетті, деп хабарлайды Zhaiyqmedia.kz ақпарат агенттігі.
Беттиол 199 шақырымдық қашықтықты 4 сағат 43 минут 17 секундта еңсеріп, мәреге бірінші болып келді. Бұл оның осы маусымдағы алғашқы жеңісі.
Жарыстың соңғы шақырымдарында Беттиол қарсыластарынан озып шығып, финиш сызығында басымдықты сақтап қалды.
«Бүгінгі кезең өте қиын болды, бірақ команданың қолдауы менің жеңіске жетуіме көмектесті. Барлық жігіттерге рахмет», — деді Беттиол.
«Астана» клубының бас менеджері Александр Винокуров шабандоздың жеңісін жоғары бағалап, команданың жалпы есептегі позициясын жақсартуға үміттенетінін айтты.
«Джиро д’Италия-2026» 21 кезеңнен тұрады. 13-ші кезеңнен кейін «Астана» командасы жалпы есепте 8-ші орында келеді.
