Сурет: Egemen Qazaqstan
Бокстан әлем Кубогының екінші кезеңінде Абылайхан Жүсіпов чемпион атанды, деп хабарлайды Zhaiyqmedia.kz ақпарат агенттігі.
70 келі салмақта өнер көрсеткен қазақстандық боксшы финалда үндістандық Дипакты жеңді. Жекпе-жек барысында сауатты қимылдаған Абылайхан төрешілердің бірауыз шешімімен 5:0 есебімен жеңіске жетті.
Отандасымыздың жарыстағы жолы: 1/2 финалда иорданиялық Зейад Ишаишпен кездесіп, қарсыластың жарақатына байланысты жеңіске жетті; 1/4 финалда өзбекстандық Шавкатжон Болтаевты 5:0 есебімен ұтты; 1/8 финалда бразилиялық Кайан Рейесті 5:0 есебімен жеңді.
